花邊空姐揭開空姐這份職業的辛酸。
 
顧客呢，其實永遠是不能滿足的！！！！！
 
當我求下你，你就當我是一個無出色、乜都唔識嘅「空中侍應」好嗎？
 
行李，唔好要我搬，我係侍應，唔係bellboy呀！
頭暈身慶，唔好問我唔打針得唔得，我係侍應，唔係醫生呀！
你個BB無奶飲，唔好問我拎奶，我係侍應，唔係奶媽呀！
個廁所好多屎好多尿，唔好叫我洗，我係侍應，唔係廁所清潔工呀！
你點咗個雞飯好難食，唔好鬧我，我係侍應，唔係星級大廚呀！
你座位前個screen壞咗，唔好叫我reset，我係侍應，唔係技工呀！
無晒雞、無晒可樂、無晒果汁，唔好小我，我係侍應，唔係耶穌，
無可能在飛機上顯現「五餅二魚」的神蹟呀！
 
有咩事，唔好搵我呀！我都好想自己嘅職責只係派餐同收餐咋！
 
花邊空姐隻身離開土生土長的香港，
過著日飛夜飛的生活，
而最大的挑戰是，
每個航班都跟不同的機組人員合作，同事的國籍有近160個，
客人的質素亦可以有天壤之別...
 
每個航班都有不同的故事發生，日日新鮮日日多。
戲劇性的故事，有！
愛情故事，有！
千奇百趣的故事，有！
氣得人家心臟病發作的故事，有！
你說得出故事種類，有！
你說不出的故事種類，都有！
 
這本書，有笑有淚有血有汗...
如果你是空姐，希望這些小故事能讓你輕鬆一點；
如果你想做空姐，希望此書能成為你參考的一部分，三思而後行；
如果你是乘客，希望你能多多體諒空姐，做一個文明的乘客。